منتديات 12 شات
أهلا ومرحبا بكم في منتداكم منتدي شات 12 .. نتمنى لكم طيب التواجد
المواضيع الأخيرة
» الكلام أو الموت
أمس في 7:39 pm من طرف فتى المهام الخفية

» سجل حضورك بإسم لاعب تحبه
أمس في 4:44 pm من طرف okA

» حالتك المزاجية !!!!
أمس في 4:43 pm من طرف okA

» في يوجياكارتا فوق الغيوم!
الخميس 19 أكتوبر 2017, 10:29 pm من طرف روان الناجي

» صحة الفم والاسنان
الخميس 19 أكتوبر 2017, 10:04 pm من طرف روان الناجي

» 8 طرق لتسويق فعَّال لعلامتك التجارية
الخميس 19 أكتوبر 2017, 9:49 pm من طرف روان الناجي

»  ضحايا “تفجيرات مقديشو”
الخميس 19 أكتوبر 2017, 9:33 pm من طرف روان الناجي

» فين الناس الى بنحبهم
الإثنين 16 أكتوبر 2017, 1:26 pm من طرف عاشق حروف هـ

» ولي العهد الأمير محمد بن سلمان والوعد بالأقتصاص من التطرف
الأحد 15 أكتوبر 2017, 8:46 pm من طرف روان الناجي

انت الزائر رقم ..

Website counter

الـــحــــســــنـــاء

استعرض الموضوع السابق استعرض الموضوع التالي اذهب الى الأسفل

الـــحــــســــنـــاء

مُساهمة من طرف queen of zagazig في الأربعاء 21 سبتمبر 2016, 10:15 pm

السلام عليكم

فى البداية احب اعرفكو ان القصة بتدور حول احداث كتيرة بعضها خييال وبعضها واقع

وبتدور حول بنت جميلة جدا جدا وكتير من الناس حبوها وعشقوها لخفة دمها وجمالها ومكنش فى بنت زيها

لكن مش هطول عليكم

هعرفكم  على أفراد العائلة

1- حسين منصور والد بطلة القصة

2- نعيمة والدة بطلة القصة

3_الاخ الاكبر وحيد

4_الاخ الاصغر باسم

5-الاخت الأصغر اسراء

6_بطلة القصة وهى الاخت الاخيرة اخر العنقود هههه
وهى حسناء





اسراء: بابا خلى حسناء تدينى اللعبة بتاعتى هى كسرت لعبتها وأخدت لعبتى

حسين: حسناء ادى اختك لعبتها مش معقول كل لعبة اجبهالك كدة تكسريها

نعيمة : فى ايه ياحسين بتكش فى البت اوى كدة ليه البت متقصدش تكسر اللعبة اخر العنقود بقا ولازم تدلع

حسين : بس ياام وحيد مينفعش كدة الدلع دة هيبوظ البنت

نعيمة : ياراجل البت لسة صغيرة بكرة تتعلم اازى تحافظ على حاجتها

حسين : ماشى منشوف أخرتها خدى هاتيلها لعبة جديدة ياستى بس ابقى لمى ايدك شوية انتى عارفة الحال على القد

نعيمة : تعيش وتجبلهم ياابو وحيد هما ليهم بركة غيرك

(وزى منتو شايفين عيلة حسناء عيلة متوسطة الحال أب وام طيبين ومعروفين فى المنطقة بكرم اخلاقهم وناس بتحب تخدم وكل الناس بتحبهم حسناء فى الوقت دة كان عندها 5 سنين واختها اسراء 6 وباسم 13 والكبير وحيد 15 سنة
اما بالنسبة لحسناء فكانت متدلعة جدا وكانت شقية ومشاكسة جدا بس كانت أحب واحدة على قلوبهم ومحدش بيحب يزعلها وكانت اجمل واحدة فيهم فمحدش كان بيقدر يشوف وشها الملائكى الطفولى البرىء وهو مكشر او وهى بتعيط وكانو بينفذولها كل طلباتها
كانو بيسكنو فى حى فى احد المناطق الشعبية بجوار السيدة ذينب لحد مالعيد قرب وقررت نعيمة تاخد ولادها تجبلهم هدوم العيد
بس فى اليوم دة حصل اللى محدش يتوقعو..)

نعيمة: ابو وحيد عاوزين يخويا نجيب هدوم العيد للعيال انا اتشغلت بحجات العيد وقولت يوم الوقفة ابقا انزل اشتريلهم

حسين: ماشى يانعيمة روحى ومتتأخريش وخدى بالك من العيال واوعى تتأخرى يانعيمة النهاردة بالذات الشوارع زحمة

نعيمة : متخافش ياابو وحيد هو انا اول مرة انزل بيهم يعنى منا الى بشتريلهم هدوم العيد كل سنة

حسين: طيب يالا روحى دلوقتى علشان متتأخريش وترجعى بدرى

نعيمة: حاضر مش هتأخر

< ونعيمة كانت ماشية فى الطريق اسراء طلبت منها تجبلها أيس كريم

اسراء: ماما انا عاوزة ايس كريم

نعيمة: يابت مش دلوقتى لما نجيبلكو الهدوم بعدين ابقو هاتو الى تجبوه

اسراء : لا ياماما والنبى هاتيلى مليش دعوة

حسناء : وانا كمان ياماما اشمعنة هى

نعيمة: طيب اوقفو هنا متتحركوش وانا هجبلكو وااجى اصل الراجل عليه زحمة كتير اوعو تتحركو واد ياوحيد خد بالك من اخواتك
اقعدو هنا لحد مجبلكو واجى

راحت نعيمة تجبلهم الايس كريم وفجأة حسناء وهى بتتتفرج عالناس وهى ماشية قالت لااخوها

حسناء: وحيد بص الراجل اللى الللى هناك دة معاه عرايس كتير حلوة وبتتكلم اازى ؟انا هروح اتفرج

وحيد: تتفرجى ايه استنى ماما تيجى

حسناء: بص انا واقفة قدامك اهه مش هروح فى حتة

وحيد : طيب انا هفضل حاطط عينى عليكى اهه خليكى واقفة قدامنا متتحركيش

حسناء واقفة بتتفرج على الراجل االلى بيعمل دعاية للالعاب اللى معاة وبيجربها وهى بتتفرج وفى نفس الوقت حصل مشكلة بين اتين بياعين فوحيد التفت للخناقة علشان يتفرج وللأسف نسى انه كان بيراقب اخته وبعد مخلصت الخناقة بيبص ملاقااااش حسنااااااء
حسناء فى وسط الزحام الناس جرفوها لمنطقة تانية وتاهت عن المكان اللى كانت فيه

نعيمة : واد ياوحيد فين اختك حسناء

وحيد: حسناء كانت هنا بتتفرج عالراجل دة ولما حصل خناقة قعدت اتفرج عالناس الى بيتانقو وببص ملقتهاش

نعيمة: الله يخربيتك مش قولتلك خد بالك منها يالهوى لتكون البت اتخطفت
وقعدت نعيمة تجرى زى المجنونة تصرخ وتقول بنتى محدش شاف حسناء بنتى ومنهارة بالبكاء

انتهت حلقة اليوم...



__________________________________________________
avatar
queen of zagazig
مشرفي المنتديات
مشرفي المنتديات


تاريخ التسجيل : 08/07/2016
عدد المساهمات : 87
مكان الاقامة : الزقازيق

الرجوع الى أعلى الصفحة اذهب الى الأسفل

رد: الـــحــــســــنـــاء

مُساهمة من طرف زنوبيا في الجمعة 23 سبتمبر 2016, 12:19 pm

رغم ان القصة باللهجة العامية 
والتي لا احبذها 
ولكن الاحداث تبدو مشوقة 
وهناك تسلسل جميل 
واحداث منسقة 
في انتظار الحلقات القادمة 

__________________________________________________
سأرقُبُ لحظةَ العُرسِ
أُراقبُ أعينَ الجمعِ
نظرةَ الجمعِ
دهشةَ الجمعِ
فقد يقطعنَ أيديَهُن
بلا وعيٍ بلا حسٍ  بلا آهٍ
فحسناءٌ بثوبِ النورِ تتلألأ
أُعيذها بالله من حسدٍ
من حقدٍ من ندٍ  
بقلم عمرو Embarassed  
avatar
زنوبيا
مراقب عام المنتديات
مراقب عام المنتديات


تاريخ التسجيل : 15/06/2016
عدد المساهمات : 420
مكان الاقامة : المملكة السعودية

الرجوع الى أعلى الصفحة اذهب الى الأسفل

الحلقة الثانية

مُساهمة من طرف queen of zagazig في الجمعة 07 أكتوبر 2016, 10:45 pm

نعيمة: يلهوى البت راحت فين ياحسناااااء مشوفتش عيلة صغيرة لابسة فستان بمبى عندها خمس سنين ماشية من هنا يخويا؟

البائع: ياحجة الدنيا النهاردة زحمة هاخد بالى من مين ولا مين بس

نعيمةSad ببكاء شديد) يلهوى البت ضاعت منى

(حسناء تاهت وسط الزحمة والناس بعدوها بعيد اوى وكانت ماشية بتعيط وتقول انتى رحتى فين ياماما واتلمت الناس عليها
وانتى بنت مين يبنتى وهى تقول ماما نعيمة هاتولى ماما وبابا حسين لحد مجه راجل اسمه حسيب قالهم انا هاخدها واطلع بيها عالقسم لحد منلاقى اهلها والناس صدقوه والزحمة اتفضت وحسيب اخد حسناء وقالهاتعالى انا هوديكى لماما )

حسيب: انتى اسمك ايهةبقا

حسناء:اسمى حسناء

حسيب:فين ماما وبابا

حسناء:ماما كانت نازلة معانا نشترى هدوم العيد وانا تهت منها

حسيب:طيب انتى تعرفى بيتكو فين؟
حسناء:بتنا عند ماما

(حسيب قعد يفكر كتير البنت جميلة وممكن تنفعنا كتير لما تكبر واحنا معندناش عيال انا والولية ناجية ناخددها نربيها ونكسب فيها ثواب طالما مش لاقين اهلها واهى تسندنا لما نكبر وغير حسيب اتجاة طريقه واتجه لطريق بيته)

حسيب: حسناء ايه رايك اجبلك شوكولاتة ولا اقولك شكلك جعانة احنا هنروح لبيتى الاول ونخلى ناجية مراتى تعملنا اكل بعدين نتغدى ونروح لماما موافقة؟

حسناء:ماشى بس على طول مش هنتاخر

حسيب:لا اطمنى مش هنتأخر

(احب اعرفكو الاول نبذة عن حسيب حسيب راجل مستغل جدا
ومحدش بيحبه هو ومراته ناجية ومعندهمش اطفال ومبيخلفوش
عنده محل بقالة بس راجل غشاش وبيغش فى كل حاجة حتى البضاعة اللى بيبعها للناس بتكون مغشوشة وبيستغل حاجة الناس ويسلفهم فلوس بالربا الصاع صاعان)

حسيب:بيخبط على الباب وبينادى ياناجية افتحى الباب جايبلك مفجأة

ناجية: فتحت الباب وبتقوله مين البت دى ياراجل يلهوى اتجوزت عليا من ورايا؟

حسيب: ششش وطى صوتك هتفضحينا ادخلى بس وهفهمك كل حاجة

حسيب:دخل الاوضة هو وناجية وسابو حسناء فى صالة المنزل بتراقب كل حاجة فيه وبعد مشرح لناجية كل الحكاية قالها بس ياستى فهمتى انا بفكر فى ايه؟

ناجية: ياراجل اعقل انت ممكن تروح فى ستين داهية انت يعتبر خاطفها ودى البت القسم متوديناش فى داهية ابوس ايدك

حسيب:بعدين معاكى بقا منا قولتلك البت ماتعرفش مكان البيت بتاعهم واحنا بعيد اوى عن المكان اللى لقتها فيه احنا فى محافظة تانية خالص

ناجية:طب والناس هنقولهم ايه فجأة كدة بقا عندنا بنت وعندها خمس سنين؟
حسيب:لا يفالحة مش فاكرة السنتين االلى رحنا عشنا فيهم عند اخويا صبحى لما كنا مش لاقيين مكان نعيش فيه بعد مابيتنا وقع؟
ناجية:ايوة يااخويا كانت ايام هم الله لا يعيدها

حسيب:بس يستى هنقولهم انك كنتى حامل وولدتيها هناك
وسبناها عند اخويا يربيها مع ولاده لحد مالحال يتعدل ونروح ناخدها واما بقينا مستورين بعتنا خدناها شوفتى بسيطة ازاى؟

ناجية :اة منك انت شيطان صحيح صنف نمرود ملوش امان

حسيب:الله الله هتلبخى ولاايه دا جزاتى انى جايبلك بت تخدمك
وتقولك ياااما

ناجية:هى فين البت صحيح

حسيب:اهى قاعدة برا

ناجية: هى اسمها ايه

حسيب:اسمها حسناء وما شاء الله بنت زى القمر

ناجية: طب تعالى نخرجلها

حسيب: مالك ياحسناء زعلانة كدة ليه

حسناء: (بصوت البكاء) انا عاوزة اروح لماما

حسيب: حاضر بصى خليكى انتى هنا وانا هروح اجيبها هى وبابا

حسناء: ماشى متتأخرش ياعمو

حسيب: حاضر ياحببتى

ناجية: انتى اكيد جعانة ياحسناء صح؟

حسناء : اة جعانة اوى بس هو عمو هيروح يجيب ماما بجد؟

ناجية : ايوة ياحببتى هيروح يجبها انا هجبلك الاكل علشان تاكلى

(خرج حسيب ورجع البيت بعد ساعتين )

حسيب:لا حول ولا قوة الا بالله

ناجية :فى ايه ياحسيب

حسيب: ام حسناء وبباها ماتو وراحو عند ربنا

حسناء: ماما انا ماتت وراحت عند ربنا؟

حسيب : معلش يبنتى هى دى الدنيا

حسناء :ببكاء وانهيار رهيب لا انت اكيد بتضحك عليا ماما مامتتش ماما راحت تجبلى هدوم العيد وبابا مستنينا فى البيت
مليش دعوو ة انا عاوزة ماما وعلى صوت حسناء بالبكاء

حسيب: لاء مهو وهى بتجبلك هدوم العيد عملت حادثة وماتت
وابوكى مات من حسرته عليها مستحملش ياعينى

حسناء :ووحيد واسراء وباسم اخواتى خدونى ليهم

حسيب: محدش يعرف عنهم حاجة مشيو محدش يعرفلهم طريق

ناجية: معلش يبنتى خلاص من النهاردة انا امك وحسيب ابوكى

حسناء:لا انتى مش ماما انا عاوزة ماما

حسيب: مخلاص يبت انتى قولتلك ماتو وبقو عند ربنا انتى غلباوية ليه (وعلا صوت حسيب فارتعدت حسناء مش دة الملاك اللى كانت شيفاة من شوية شكله اتغير 360درجة فكتمت حسناء بكائها وقالتله انت عمو وحش )

ناجية: بالراحة ياحسيب مش كدة تعالى ياحببتى متخافيش هو عمو بيزعقلك لمصلحتك تعالى علشان الوقت اتاخر ولازم تنامى

حسناء: طنط هو انا خلاص مش هشوف ماما وبابا تانى؟

ناجية: انتى خلاص مبقاش ليكى اب وام غير حسيب وانا
يعنى انتى ابوكى يبقا حسيب وامك اسمها ناجية
حسناء: بصوت الدموع تحاول ان تستوعب كلامها لحد
معقلها استسلم من التفكير وبدأ يرسخ فكرة الاب حسيب
والام ناجية

(طبعا غسيل مخ لبنت خمس سنين كفيل انه ينسيها مين ابوها وامها الحقيقيين فتناست ...تناست..تناست لحد منسيت كل شىء ورسخ فى عقلها الاب حسيب والام ناجية )

انتهت حلقة اليوم..

__________________________________________________
avatar
queen of zagazig
مشرفي المنتديات
مشرفي المنتديات


تاريخ التسجيل : 08/07/2016
عدد المساهمات : 87
مكان الاقامة : الزقازيق

الرجوع الى أعلى الصفحة اذهب الى الأسفل

رد: الـــحــــســــنـــاء

مُساهمة من طرف queen of zagazig في الجمعة 07 أكتوبر 2016, 10:48 pm

زنوبيا كتب:
رغم ان القصة باللهجة العامية 
والتي لا احبذها 
ولكن الاحداث تبدو مشوقة 
وهناك تسلسل جميل 
واحداث منسقة 
في انتظار الحلقات القادمة 

اها زنوبيا انا متعمدة اعملها بالعامية فقط لان حوارات القصة بيليق عليها كدة اكتر..ثانيا لكسر الملل

تسلم متابعتك

__________________________________________________
avatar
queen of zagazig
مشرفي المنتديات
مشرفي المنتديات


تاريخ التسجيل : 08/07/2016
عدد المساهمات : 87
مكان الاقامة : الزقازيق

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى
Google