منتديات 12 شات
أهلا ومرحبا بكم في منتداكم منتدي شات 12 .. نتمنى لكم طيب التواجد
المواضيع الأخيرة
» لا استطيع تسجيل الدخول بحسابى الاصلى
اليوم في 6:16 am من طرف فهد

» اقتربي
أمس في 10:43 pm من طرف Aseed

» أول مرة
أمس في 10:35 pm من طرف أيمن حسن

» شوي وجاي / ة
أمس في 10:04 pm من طرف 3del

» قلم حر
أمس في 9:52 pm من طرف 3del

» سجل حضورك بكلمة لحد ف بالك 2017
أمس في 9:42 pm من طرف 3del

» اوراد الظمأ
أمس في 6:29 pm من طرف فهد الشاعر

» هوامش
أمس في 10:33 am من طرف فهد الشاعر

» اين العدل يالله
أمس في 4:45 am من طرف 3del

انت الزائر رقم ..

Website counter

هكذا / الجزء الاول .. الجزء الثامن عشر

صفحة 5 من اصل 5 الصفحة السابقة  1, 2, 3, 4, 5

استعرض الموضوع السابق استعرض الموضوع التالي اذهب الى الأسفل

الجزء الخامس عشر

مُساهمة من طرف 3del في الجمعة 28 أكتوبر 2016, 7:27 pm

وصمت منير ورد قائلا 


منير . صباح النور ها مين معايا بقي 


الفتاة . شكلك مبتعرفيش تفرق بين الاصوات من كتر البنات عندك 


منير . بالزبط كدا وكمان حاجة متخصكيش افرق او اوزع 


حتنجزي وتقولي مين ولا اقفل 


الفتاة . ي جامد بيعجبني الشاب الواثق من نفسة بس بالراحة علي نفسك 


لحسن السكر غالي الايام دي 


منير . لا جدعة وبتعرفي تالشي سلام بقي ي حلوة اروح اجيب سكر 


وقفل منير الهاتف وهو علي يقين ان الفتاة 


هي مني ولكنة قصد ما فعلة 


للعب بمشاعر مني وجعلها تاتي الية بلا ادني مجهود منة وضحك وجلس 


ف الكافتيرا وطلب فطور وقهوة 


وظل هاتفة يرن من نفس الرقم


 الي وصلت لة رسالة ولكنة ظل يقول لنفسة 


مقولتلة الشهيرة 


اتكا عل الصبر 


وكانت حالة رباب استقرت وبدات ف الحديث وكان قد اخبرهم مدحت 


ان الحالة استقرت ومن المقرر ان تخرج رباب مساء اليوم 


وكان بداخل نوال اسئلة عديدة لبنتها ولكن وجود نور وامها كان يحول دون ذلك 


وطلبت نوال من اختها ان يرجعوا بيتهم لمباشرة حياتهم


 ولكن رفضت ام نور كثيرا ولكن ف ظل 


اللحاح نوال وافقت ام نور علي طلب نوال وقالت 


ام نور . طب احنا حنروح واما رباب تروح البيت بالسلامة حنجي نطمن عليها 


وكانت نور تنظر الي رباب نظرات حزن والم وقامت باحتضانها حتي ان انسابت الدموع منهما 


وقالت نور بصوت مختنق 


نور . قولي يارب يا رباب وكل حاجة حتكون بخير واهي ازمة وعدت 


وكأن رباب احست بان نور فهمت كل شيء فردت قائلة 


رباب . ونعما بالله حبيبتي ربنا كبير وعادل وقادر علي كل شيء


وابتسمت نوال ابتسامة حزينة بعض الشيء وقالت 


نوال . لازم نشكر الدكتور مدحت اووي حقيقي انسان راجل ونادر وجودة الايام دي 


واحست ام نور بالوجع لانها شعرت بمدي خذلان ابنها لهم ف هذا الموقف 


وفي طريقهم للخروج تواجد الدكتور مدحت للاطمئنان علي احوال رباب 


وبابتسامتة المعهودة القي التحية علي كل الموجودين وظلت الابتسامة علي وجهة وقال 


مدحت . الحمد لله شايف الامور تمام والازمة عديت 


واخذت تنهال علي مدحت عبارات الشكر والمدح فخجل مدحت كثيرا وقال 


مدحت . الشكر لله انا معلمتيش غير الواجب وبعدين ازمة ومرت بسلام 


واحست ام نور بالخزي مرة اخري واستاذنت للخروج ولكن مدحت اصر علي توصليهم للبيت 


وبالفعل خرج الجميع تاركين رباب وامها ف الغرفة وبعد خروج الجميع 


انهمرت نوال ف البكاء وظلت تردد لية يا بنتي كدا لية لية 


والي هنا ينتهي الجزء الخامس عشر 


الي اللقاء ف الجزء السادس عشر 

__________________________________________________

اكرهني بصدق 
تجاهلني بصدق
احبني بصدق


هكذا ساحترمك  
avatar
3del
مستشار المنتديات
مستشار المنتديات


الجنس : ذكر
تاريخ الميلاد : 08/12/1980
تاريخ التسجيل : 29/07/2016
عدد المساهمات : 1598
مكان الاقامة : ف مكان تسكنة الاشباح والادخنة فلا تسالني عن عنواني والا ادخلتك عالم النسيان

الرجوع الى أعلى الصفحة اذهب الى الأسفل

الجزء السادس عشر

مُساهمة من طرف 3del في الأحد 30 أكتوبر 2016, 10:08 pm

ولم تستطع الام السيطرة علي اعصابها وظلت تردد


 عبارة لية كدة يا بنتي 


وامسكت البنت بيد امها وقبلتها وطلبت منها السماح 


وقصت عليها كل ما حدث بينها وبين منير 


اصيبت الام بالذهول والصدمة واخذت تلوم ابنتها وتلوم نفسها 


وقررت ان تحكي لاختها عما فعلة ابنها ولكنها 


كانت تخاف علي زوجها وسمعة بنتها 


واكتفي الاثنان بالبكاء والصمت وتبادل النظرات 


ووصلت نور وامها للبيت واخذت الام تسال نور 


ام نور . حاسة ان منير  سبب اللي حصل لرباب 


نور . لية يا ماما بتقولي كدا 


ام نور . قوللي الحقيقة يا بنتي نظرات بنت خالتك واحنا ماشين 


نظرات مكسورة وكمان نظراتك ليها 


انا ام وبفهم ولادي 


وانكرت نور اي شيء ليس خوفا علي اخيها بل خوفا علي امها من الصدمة 


وعلي الطرف الاخر كان قد انهي منير فطورة واخذ يتناول قهوتة 


وقال لنفسة افتح الرسالة اشوف فيها اية فوجد 


منير انا مني وبحبك وعايزة نتقابل لوحدينا ف كلام كتير عايزة اقولة 


صحيح احنا اتقابلنا مرة او مرتين ف راس السنة ومرة عند طارق بس 


انت عجبتني ولازم نتقابل 


وضحك منير من استسلام مني المبكر وانة نجح ف  خطتة


 ف كيفية الرد عليها ف الهاتف 


وجعلها تشعر انة لا يعرفها ويتجاهل اي فتاة 


فتحدث اليها واتفقا علي ميعاد غدا ف شقة طارق بمفردهم ورتب  منير الامر مع صديقة 


ولكنة ف ظل هذة الاشياء كان يفكر ف ميرفت وانة اصبح 


علي يقين بان ميرفت مختلفة عن البنات التي عرفهم 


وقرر ان يذهب الي ميرفت ف نفس المكان 


لفك رموز شخصيتها وحياتها والمحاولة من جديد ف اخذ ميعاد 


والي هنا ينتهي الجزء السادس عشر 


والي اللقاء ف الجزء السابع عشر 

__________________________________________________

اكرهني بصدق 
تجاهلني بصدق
احبني بصدق


هكذا ساحترمك  
avatar
3del
مستشار المنتديات
مستشار المنتديات


الجنس : ذكر
تاريخ الميلاد : 08/12/1980
تاريخ التسجيل : 29/07/2016
عدد المساهمات : 1598
مكان الاقامة : ف مكان تسكنة الاشباح والادخنة فلا تسالني عن عنواني والا ادخلتك عالم النسيان

الرجوع الى أعلى الصفحة اذهب الى الأسفل

الجزء السابع عشر

مُساهمة من طرف 3del في الجمعة 25 نوفمبر 2016, 9:14 am

وبين رغبة منير بالاطاحة بمشاعر ميرفت وفك طلاسم شخصيتها 


واستسلام مني وانتهاء قصة رباب واحاديث الام وكلمات نور 


ظل يفكر منير طوال الطريق بكل ما حدث ف الفترة الاخيرة 


وقد قرر ان ينهي هذة الملفات الشائكة من حياتة ويعود الي بيتة ف اقرب وقت 


واقترب منير من مكان وجود ميرفت بالقرب من الاشارة واخذ ينظر يمينا ويسارا


واذا بة وجدها ففرح كثيرا وتوجهها اليها 



منير . صباح الخير 


ميرفت . صباح النور 


منير . طول الطريق بفكر حشوفك ولا لا وياتري كنتِ مستنية تشوفني ولا لا 


وقاطعت ميرفت كلمات واسترسال منير قائلة 



ميرفت . منير انا منكرش انك شخصية جذابة ومطمع لاي فتاة بتحلم بقصة حب 


لكن انا مش حقوالك اني مختلفة 




عن اي حد حتقابلة او تعرفة او حتي قابلتة ف حياتك  


انا بنت من اسرة فقيرة الحال بس نملك اللي مش عند ناس كتيرة 


عزة النفس والكرامة 


يعني مش معني اني ببيع مناديل 


اني اكون سهلة ف عين اي شاب او مطمع لعلاقة عابرة 


يمكن يكون  كلامي زي افلام السينما بس دي الحقيقة 


معنديش الا كرامتي وعزة نفسي وشرفي 


فاعتقد الحاجات دي مش تناسبك


واستوقف منير كلام ميرفت قائلا 


منير . مش فاهم لية كل مرة بسمع منك الكلام دة 


وانا نيتي طيبة وكل هدفي ادخل جوة حياتك 


بطريقة محترمة واعرفك عن قرب ولا قولت علاقة او اي حاجة 


ميرفت . وانا قولتلك قبل كدا هات من الاخر 


انما حتفضل تقولي ادخل جوة حياتك


 والكلام اللي مياكليش عيش دة قولتلك سيبك منة 


وابتسم منير ابتسامة حيرة وقال 


منير . يعني افهم من كدا انك مش عايزة نتقابل ونتكلم 


وضحكت ميرفت وقالت 


ميرفت . ع اساس اننا كدا مش بنتقابل كدا مش عايز تسيبك من اللف والدوران 


يابني افهم من الاخر انا بنت احلامي بسيطة واهم حلم عندي اساعد اهلي واخواتي 


ومش حنكر من ضمن احلامي احب واتحب واعيش قصة حب حقيقة افتخر بيها مش اتكسف منها 


وكمان مبحبيش اللف والدوران يعني خليك مباشر عشان مش حياكل معايا اي حوار فكسان منك 


وصمت منير وف كل مرة يزداد اندهاشة برد فعل ميرفت وقال 


منير . انا مش عارف لية مشغول بيكِ وبفكر فيكِ طول الوقت ممممم



انا بحبك 


ونظرت ميرفت الية باستغراب ولم تتاثر بما قال وقالت 


ميرفت . بتحبيني ؟


انت متلخبط ومش عارف بتقول اية ودة كلة عشان توصلي بس 


وبتحاول معايا بكل الطرق ولو افترضنا انك بتحبني حقوالك 


ماذا بعد 


واحس منير بانة تسرع او ربما انة وقع ف حب من طرف واحد


 ولم يجب باي كلمة وانصرف 


وترك ميرفت واقفة مكانها واخذ سيارتة متوجها لبيتة 


والي هنا ينتهي الجزء السابع عشر 


الي اللقاء ف الجزء الثامن عشر 

__________________________________________________

اكرهني بصدق 
تجاهلني بصدق
احبني بصدق


هكذا ساحترمك  
avatar
3del
مستشار المنتديات
مستشار المنتديات


الجنس : ذكر
تاريخ الميلاد : 08/12/1980
تاريخ التسجيل : 29/07/2016
عدد المساهمات : 1598
مكان الاقامة : ف مكان تسكنة الاشباح والادخنة فلا تسالني عن عنواني والا ادخلتك عالم النسيان

الرجوع الى أعلى الصفحة اذهب الى الأسفل

الجزء الثامن عشر

مُساهمة من طرف 3del في الأحد 25 ديسمبر 2016, 10:11 pm

واحس منير بانة تسرع ف التصريح بالحب لميرفت 


وقد كان اقترب من بيتة بعد ان نوي ان يحسن علاقتة 


بامة واختة بعد تاكدة من انتهاء ازمة رباب 


ظنا منة ان الامر انتهي بسقوط الجنين 


وعدم اعتراف رباب باي شيء فصعد السلالم وطرق الباب


ففتحت لة الباب امة غاضبة محتدة الملامح قائلة 


الام . وبعدين معاك يبني اية اخرة عمايلك دي 


ولم يتلفت منير الي امة او ما تقولة وتركها 


وذهب مباشرة الي غرفتة ولكن لم تهدا الام وارادت ان تضع 


حدا لاستهتار ابنهار فتوجهت وراءة قائلة 


الام . منير مش انا بكلمك للدرجة دي وصل بيك الجحود 


وانفجر منير ف وجهة امة قائلا 


منير . ماما اسمعي بلا جحود بلا زفت 


هو انتي مش وراكي غيري سيبت البيت من وراكي بجد انا زهقت 


من كلامك الكتير ونصايحك دي وفريها لبنتك 


محدش لية دعوة بيا خالص 


وانفجرت الام بالبكاء غير مصدقة تصرقات وجحود ابنها 


وقبل ان تنطق وتدعي علية توقفت للحظات وظلت تردد


ربنا يهديك ي بني ي رب 


وخرجت دافعة باب الغرفة وراها


ولم يتاثر منير ببكاء امة كالعادة


 وتوقف امامة مكتبتة يضع كتبة ويرتب اغراضة 


وشرد ذهنة للحظات مفكرا ب ميرفت وبما تفعلة 


وف هذة الاثناء رن هاتفة كانت مني 


منير . الو ازيك ي مني 


مني . ازيك ممم


يعني انا غلطت اني بقوالك بحبك ومشتقالك 


منير . لية بيبي انا بس عندي مشاكل كتيرة 


وعايز انسي كل شيء بس مش عارف 


مني . وانا عندي الحل السحري ليك


 اللي حيخليك مش تنسي مشاكلك بس لا تنسي اهلك 


منير . ي سلام ودة ازاي بقي 


مني . بص من الاخر انا بابا و ماما مسافرين النهاردة 


شوف بقي دة عرض حصري ولمدة دقيقة 


اية رايك تجي نسهر عندنا اليوم وانا حنسيك كل حاجة


 خد بالك المهلة دقيقة اية رايك ؟


والي هنا ينتهي الجزء الثامن عشر 


الي اللقاء ف الجزء التاسع عشر 

__________________________________________________

اكرهني بصدق 
تجاهلني بصدق
احبني بصدق


هكذا ساحترمك  
avatar
3del
مستشار المنتديات
مستشار المنتديات


الجنس : ذكر
تاريخ الميلاد : 08/12/1980
تاريخ التسجيل : 29/07/2016
عدد المساهمات : 1598
مكان الاقامة : ف مكان تسكنة الاشباح والادخنة فلا تسالني عن عنواني والا ادخلتك عالم النسيان

الرجوع الى أعلى الصفحة اذهب الى الأسفل

صفحة 5 من اصل 5 الصفحة السابقة  1, 2, 3, 4, 5

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى
Google