منتديات 12 شات
أهلا ومرحبا بكم في منتداكم منتدي شات 12 .. نتمنى لكم طيب التواجد
المواضيع الأخيرة
» فين الناس الى بنحبهم
الإثنين 16 أكتوبر 2017, 1:26 pm من طرف عاشق حروف هـ

» ولي العهد الأمير محمد بن سلمان والوعد بالأقتصاص من التطرف
الأحد 15 أكتوبر 2017, 8:46 pm من طرف روان الناجي

» الكلام أو الموت
الخميس 12 أكتوبر 2017, 9:30 pm من طرف فتى المهام الخفية

» بجد هتوحشوووني
الأربعاء 11 أكتوبر 2017, 5:13 pm من طرف أميرة

» لماذا نحب اللغة العربية ؟ وما واجبنا تجاهها ؟!
الأربعاء 11 أكتوبر 2017, 5:07 pm من طرف أميرة

» الأسنان ابتدعها الله عز وجل
الأربعاء 11 أكتوبر 2017, 5:02 pm من طرف أميرة

» القصر الملكي في المناطق الشمالية الغربية
الأربعاء 11 أكتوبر 2017, 4:47 pm من طرف أميرة

» رسالة محال انساك
الأربعاء 11 أكتوبر 2017, 4:44 pm من طرف أميرة

» السحابية وكل شئ متعلق بها
الثلاثاء 10 أكتوبر 2017, 6:23 pm من طرف روان الناجي

انت الزائر رقم ..

Website counter

هاي انتو جيتو هنا امتى وازاي؟؟!!

صفحة 8 من اصل 9 الصفحة السابقة  1, 2, 3, 4, 5, 6, 7, 8, 9  الصفحة التالية

استعرض الموضوع السابق استعرض الموضوع التالي اذهب الى الأسفل

رد: هاي انتو جيتو هنا امتى وازاي؟؟!!

مُساهمة من طرف هديل روح في الأربعاء 09 أغسطس 2017, 5:24 pm

محمـــود كتب:
ههههههههههههههه شوفتي بقى هتخليني اقولك انا مش بشوف السي ان ان وانا اقل من كدا بكتير ههههههههههه


نتكلم جد بقى ... انا في المنتدى التاني كان ليا عشرات الصداقات منهم من ظل فى اطار المنتدى ومنهم من 
استطعت انقل صداقتي معهم الى الحياه الطبيعية .... 


لكن من منهم اثر بي ... او التحمت وجدانيا مع كتاباته قليل جدا 


من منهم انكشفت لي سريرتهم من خلال قرائتي لهم قليل جدا جدا 


انت ِ احد هؤلاء الذين انسابت بل وذابت شخصيتهم الحقيقية بداخل النص 




فمرة من المرات كنت بتفرج على فيلم اجنبي بيحكي عن كاتب فاشل 
ومفلس ومديون وكانت له مساعدة تساعده على كتابه نصه الجديد الذي
سوف يعرضه على ناشر كي ينتشله من هذا الضياع 


وسط الاحداث تحول الكاتب بقصته الى سرد لاحداث يومه ومشكلاته هو
فوجد سيال رهيب من السطور التي تحولت الى صفحات ومن ثم رواية


ووافق عليها الناشر بعد رفضه لاكثر من محاولة سابقة 


المعنى ان حياتنا كما هي في نظر الاخرين عبارة عن قصة جميلة 
يتمنون لو يعيشوها او يشاركوا اصحابها ... 


انا شخصيا وقتا ما تخيلت ااني الرجل خلف القناع ورحت افكر ماذا كنت سأفعل وقتها 


مفاجأة صح ههههههههه 


المهم بقى رجعتي الى ارض الوطن ولا لسه اوعى يكون جدولة شئون المقيمين خلتك تهربي
هههههههههههههه 

هههههههههههههههههههههههههههههههههههههههههههههههههههههههههههه
السي ان ان هههههههههههههههههههههههههههههههههههههههههههههههههه

لا السي إن إن دي بتاعة أحمد  إنما أنت أكيد بتتفرج ع الأوه إس إن Razz
ههههههههههههههههههههههههههههههههههههههههههههههههه ضحكتني من قلبي والله

وبعدين يا محمود أنا بقول حقيقة أنا بكون فعلا شايفاها .. اعمل ايه؟؟ أكدب يعني؟ Crying or Very sad Very Happy
 
وآي ثينك إن الحقيقة دي بتكون موجودة في الإدراك بتاع المحيط مش في إدراكي أنا بس
أو جايز أنا إللي بنشر الإدراك دا في المحيط هههههههههههههههههههههههههههههههههه
كل شيء جايز ههههههههههههه

ما علينا ..

امممممم لا مش مفاجآة
ممكن تكون المفاجآة بس في صراحتك دلوقتي

بس أنت فعلا كان أكتر من تعليق ليك زمان بيحتوي على كلمة (أنا لو مكانه) .. لدرجة كنت بحس إنك متعاطف معاه أكتر ما أنت متعاطف معايا ههههههههه
وكنت بستغرب جداااااااا لأنك أنت الوحيد إللي كنت بتحسسني بكدا .. الكل كان متعاطف معايا أنا أكتر .. إلا أنت معرفش ليه هههههههههههههههههه اممممم يبقى أكيد عشان فعلا أنت كنت بتتخيل نفسك مكانه ...............
دا أنا أحيانا كنت بحس البعض من شدة تعاطفهم معايا ناقمين عليه هههه إلا أنت!

وأفتكر مرة علقت وقلتلي "أنا نفسي صاحب الظل هو اللي يكتب الرواية بنفسه .. أنا متأكد إنه هيكتبها بشكل مختلف تماما هههه"
والله فعلاً ... معاك حق ............... لو هو أكيد هيكتبها بشكل مختلف تماماً وأكثر واقعية ...... وممكن أكثر سوداوية كمان وهيضيّع الرتوش البينك بتاعتي .. هيمحيها أصلا هههه

وأنا أصلا لو اتخيلت نفسي مكانه بصدق وحاولت أتقمص شخصيته وكتبت الرواية من منظور شخصيته هو  .............. هتكون حاجة مدمرة جدااااااا للنفسية بصراحة!! وهتتعاطفوا معايا جداااااا كصاحب ظل وبرغم القناع ... وجايز تبقوا ناقمين ع البطلة إللي برغباتها المتناقضة ولو بدون قصد عيّشته في صراع نفسي مدمر للنفسية فعلا!

تصدق خليتني حاسة إني هعيط عليه دلوقتي : (

ربنا يوفق كل صاحب ظل في حياته ويكرمه ويعفو عنه ويستر عليه اللهم آمين

الحمدلله .. حتى لو مشاعري وقتها كان المسمى الصحيح ليها (انبهار) أو (حب) بس المهم إن عمرها ما انقلبت لعداء أو حرب!! مهما حصل ومهما كان مستوى الصدمة ..... الحمدلله بعرف أحافظ على انضباطي النفسي .... ومستحيل أهين رمز بالنسبالي مهما كانت أخطائه .... ماينفعش أصلا .... لأني لو عملت كدا هكون بهين نفسي!!

لازم الإنسان يكون مسؤول عن خياراته ويدافع عنها حتى لو دفاع المضطر!! .. ولازم يكون مسؤول عن أفعاله اللي اتسببت في أي ردود أفعال ونتائج حتى لو عكسية .................. وآي ثينك بردو إن هو دا (الحب) الصح إللي بينقذ ما يمكن إنقاذه وبيحفظ الكرامة والاحترام للطرفين ............. لآخر نفس ...................

مهو لو مجرد (إنبهار) هيكون سهل الإهانة لحظة الصدمة .. بس الحب الصادق عمره ماينتهي بإهانات متبادلة بين الطرفين زي ما بنشوف في الغالب لأنهم مش بيكونوا حبوا حب صادق أصلا .......  بس شيء سخيف ومتخلف أوووي إني أبص لـ حبيب على إنه عدو وأستخدم معه أسلحتي اللي تدمره .. اللي بيعمل كدا بيهين نفسه وهو مش حاسس ....... والحمدلله إني معرفش أو مقدرش أصلا أعمل كدا حتى لو أنا الطرف الأحق أو الأقوى وكل الأسلحة المدمرة متوفرة عندي ...... الحمدلله

مش مهم بقى دا (حب صادق) ولا (إنبهار صادق) .. المهم الإحترام والستر والإبقاء على حالة السلام دا أهم شيء ..

أنا برشح نفسي لجايزة نوبل للسلام Laughing ههههههههههههههههههههههههههههههههههههه
وبرشح كل أصحاب الظلال معايا I love you I love you  I love you I love you I love you  I love you I love you هههههههههههههههههههههههههههههههههههههههههههههه
.......

وطني هو أي مكان بتكون فيه أسرتي الصغيرة المكونة من بابا وإخواتي ..

لسه في السعودية .. هو آه كتير اترحلوا الفترة دي بسبب حملة القبض المخالفين .. وكتير هاجروا من نفسهم بسبب زيادة رسوم المرافقين (وكأننا بندفع إيجار وطن) والله شعور يحزن فعلا بغض النظر عن الفلوس نفسها .. لأن الحمدلله إحنا مقتدرين وكلنا أصلا بنشتغل ..........

وكمان بردو إحنا تاريخنا كله في السعودية وصعب جدا أصلا نفكر في حاجة زي دي .. خصوصا إن بابا متمسك بالعيشة فيها .. وإحنا بردوا تعودنا ..................

بس لو عليا أنا .. نفسي أجرب أعيش في دبي ..... أو شرم الشيخ هههههه
الفترة الأخيرة أنا وإخواتي نزلنا شرم الشيخ حوالي 4 مرات في أقل من سنة .. وكان الريال السعودي عامل خمسة جنيه .. فكنت حاسة إني مليونيرة هههههه
وكنت بحس كدا وكأني عايشة للرفاهية وبس ههههههههههههههههههههههه .. والأكتفيتيز أصلا في شرم بقت رخيصة جداااااااااااااااااا بسب أزمة السياحة

بس أقولك على حاجة ؟؟ هي ميزة وعيب في نفس الوقت
ميزة إني كنت بحس إن أنا ثرية جدااااااااااااااااااااا بسبب قيمة الريال السعودي اللي معايا هههههههه
وعيب بسبب إن شرم فعلا خربت واتدمرت ........... ولسه ممكن كمان خمس سنين تكون بقت مزبلة ......... ربنا يستر

لما نزلناها زماااااان كانت بتلمع وماكانش فيها غير أجانب والناس الهاي كلاس .. دلوقتي خلاااااااااااااااااص لمت من كل الطبقات والأشكال الممكنة ..... ودا مش غرور أو عنصرية والله هههههه بس الفكرة في الزحمة ذات نفسها اللي حولت شرم من مكان للاستجمام إلى مصدر للازعاج للأسف

بس مع ذلك أنا لسه ما فقدتش انبهاري بيها هههههههههههههههههههههه لسه حالة الانبهار موجودة حتى بعد ما بدأت المدينة تشيل قناعها البراق pale

اممممم يمكن لأن الاكتفيتي الوحيد إللي اتعلقت بيه جداااا وأدمنته (الغطس) وأخدت فيه كورس كمان ووصلت للأدفانس أقصى عمق غطسته 45 متر تحت البحر

الغطس دا بيخليني في حالة إنبهار مستمر ههههههههههههههههههههههههه آه والله ............. بس إنبهار لا ينتهي لأنه إنبهار بعظمة الخالق المبدع

وأصلا كل حاجة فيه بتعيشني حالة الإستجمام والإنبهااااااااااار والأدرينالين المستمر بكون مبسوووووووووطة أووووووووي جدااااااا خااااااالص وأنا بغطس

ربنا يسامحك بتفكرني ليه .. الغطس دا زي المخدرات والله .. وأنا بحاول أكافح الإدمان دا هههههههههههههه خصوصا إني أنا أصلا عايشة في بيئة صحراوية ههههه شوفت النصيب
الحمدلله على كل حال

دا أنا طلعت برغي أكتر من السي ان ان Very Happy  ههههههههههههههههههههههههههههههه

__________________________________________________
avatar
هديل روح
عضو مشارك
عضو مشارك


الجنس : انثى
تاريخ التسجيل : 14/07/2017
عدد المساهمات : 134
مكان الاقامة : وطني الجنة!

الرجوع الى أعلى الصفحة اذهب الى الأسفل

رد: هاي انتو جيتو هنا امتى وازاي؟؟!!

مُساهمة من طرف محمـــود في الخميس 10 أغسطس 2017, 11:00 am

انا جاتلي الفرصة كتير من ناحية الوقت اروح شرم الشيخ بس رفضت انا بحب الغردقة اكتر ...
بحس شرم دي زي اوضة الصالون كدا على قد الضيوف ههههههههههههههه 


انما موضوع الوضع المذري ال بشرم الان هو بسبب الركود ال حصل 
والحاجه الى العمل باي شكل فالموضوع بقى اشبه بالبسبوسة المحلاه بالملح 


لان شرم لا تصلح لعقلية المواطن العادي ولا هو يصلح لها ودا مش عيب في
المواطن وانما العيب فى من اوصلنا الى هذا الوضع ادبيا واقتصاديا وخلقيا ... 


اصدقاء ليا كتير راحوا واشتكوا جدا فعلا من الهجوم البربري على شرم 
بس يلا اهو نوع من انواع العدالة خلي الشعب الطيب دا ينبسط شوية ههههه


اما عن الدايفنج بقى فا دي حاجه كنت حلمي اجربها بس محصلش نصيب 
فبتفرج على فيلم جزيرة الشيطان لما بحس بالشوق تجاه الغطس واقعد اضحك 
على يسرا وهي بتتعلم هههههههههه


بالنسبة بقى للاقامة ودي بقت شيئ مستفز كما يقولون ( جازاه مجازاة سننمار ) 
بعد ما العماله المصرية والعلوم المصرية ساعدت في بناء المملكة الحديثة ارادوا
رحيلهم بل وتطاول كتابهم وقالوا انهم بغير حاجه الى المصريين وانما نكافئهم 
بالوظائف نوعا من التخفيف عن كاهل النظام المصري بسبب الاتحاد القائم الان
بين النظامين ما علينا  ..... 


مكان اقامتك بالنسبة ليكم بقى وطن لان في ذكريات اكثر من ذكرياتك في اي مكان اخر 




بصي بقى سيادة المليونيرة الريال السعودي ابو خمسة دا ال خلاكي تحسي بالاحساس دا 
دفعتي ثمنه ودفع اخرون ثمنه الاف المرات .... انا احب السعودية جدا ولكن ..... 


بخصوص بقى انتفاء صفة التكملة في علاقة او انهائها سواء كانت بقى احد طرفيها صاحب ظل 
او صاحب دبدوب احمر  .... 


لازم تنتهي بأحترام لان دا بيكون ملوش علاقة بالذكريات او تفاصيل العلاقة بقدر ما له علاقة 
بتربيتنا نحن واخلاقيتنا نحن .... ادبيات الاختلاف والافتراق 


يلا اهو عرفتيني انك دايفر شاطرة ... لما احتاج شوية دروس تقوية هبقى الجألك هههههههه
avatar
محمـــود
عضو مشارك
عضو مشارك


تاريخ التسجيل : 13/06/2016
عدد المساهمات : 38
مكان الاقامة : مصر

الرجوع الى أعلى الصفحة اذهب الى الأسفل

رد: هاي انتو جيتو هنا امتى وازاي؟؟!!

مُساهمة من طرف هديل روح في الخميس 10 أغسطس 2017, 5:57 pm

كلنا بندفع التمن يا محمود .. ماديا ومعنويا .. المصري بيدفع التمن .. والسعودي بيدفع التمن .. الخسران بيدفع التمن .. والكسبان بيدفع التمن .. والله دي حقيقة هنكتشفها لو جردنا أنفسنا من عنصريتنا وفكرنا بموضوعية بغض النظر عن أي كلام قاله شخص ما سواء كان سعودي أو مصري ....................

أنا قصدي إنه وطني هو أسرتي في حد ذاتها .. بغض النظر عن المكان اللي إحنا فيه .. أهم حاجة نكون في وطن واحد .. حتى لو في الصين ههههههه

بس يمكن أكتر شيء بيربطني أوي بالسعودية كوطن إن أمي الله يرحمها ادفنت في أرضها ..

والريال السعودي دا لا يسوى شيء في السعودية ههههههه لكن آه يسوى في مصر (نسبة وتناسب في المستوى المعيشي)
يعني المليونيرة دا شعور وهمي ووقتي في (الشهر) اللي بكون فيه في مصر، بس في (السنوات) اللي بعيشها في السعودية بكون (مقتدرة) فقط والحمد لله Very Happy
وأصلا السعودية مفيهاش اكتفيتيز فبالتالي بنوفر هههههههه واللي بنوفره بندفعه في أساسيات ولوازم الحياة الغالية جداااااا ..

الله يرحمه الملك عبدالله زعلنا عليه والله .. وكلنا كنا مش متفائلين خير من أول ما مات ... بالنسبة لوضعنا كمغتربين

بس بردو الموضوع مش زي ما أنت متخيل .. بمعنى إن الحكومة غير الشعب نهائيا .. يعني المواطن السعودي في حد ذاته متأذي جداااا من القرارات الحكومية دي .. ويمكن يكون متأذي أكتر من الأجنبي كمان .......

وفي كتير فيديوهات ساخرة مثلها شباب سعوديين .. ونشروها الفترة الأخيرة عبر الواتس اب عن تخيل السعودي للحياه في السعودية بدون أجانب .. (الأجانب مقصود بيهم الأشقاء العرب .. بس هنا اتعودنا نقول عليهم أجانب)

منهم فيديو تمثيل .. كان صادفني عن واحد سعودي صحي الصبح مالقيش الخدامة ولا لقي السواق .. طلع الشارع لقي الارض كلها زبالة ومفيش عامل ينضف .. راح يشتري من السوبر ماركت مالقيش عامل يساعده يلاقي طلبه .. راح شركته لقي مفيش موظفين بيشتغلوا غير كم موظف سعودي ونايمين ههههههه وطول ماهو ماشي في الشارع بيتصدم إن محلات مهمة جدا كانت بتخدم متطلباته بس خلاااااص قفلت ههههه

المواطن السعودي عموما مرفه جدااااا .. وعنده استعداد يدفع أكتر للأجنبي اللي يخدمه أكتر ولو في حاجة بسيطة .. يدفع عادي مقابل إنه يريح باله ويشتري راحته ويشتري وقته .. وبالتالي هو أكتر واحد بيكون متأذي جدا من القرارات دي ..

وعموما صاحب العمل السعودي .. دايما بيعترف بلسانه إنه بيفضل يشغل في مؤسسته العمالة الأجانب أكتر .. لأنه عارف كويس إن الموظف السعودي غالبا وليس دائما بيكون مش شغيل ومتذمر ومتأفف وشكاي ولعاب .. وأصلاً كان في اضراب فكري منتشر عن تشغيل العمالة السعوديين .. وبالتالي بقى المواطن السعودي يشتكي من البطالة برغم الخير والرزق والكثير من الوظائف المتوفرة في بلده!!

ودا إللي خلى الدولة تفرض قرارات السعودة (وإن لازم أي مؤسسة تحقق تواجد نسبة معينة من الموظفين السعوديين مقارنة بنسبة الأجانب اللي فيها .. دا غير تخصيص بعض المناصب للسعوديين فقط)

وبقوا أصحاب الشركات السعوديين .. مضطرين غصب عنهم يوظفوا عمالة من أبناء بلدهم .. حتى لو هيوظفوهم عشان يناموا في المكاتب .. مهو مضطر هيعمل ايه هههههههههه

دا أحيانا صاحب العمل السعودي بيضطر بسبب قوانين السعودة يعطي المسمى الرسمي والشكلي للمنصب لموظف سعودي .. ولكن الأداء التنفيذي بيكون أصلا لموظف أجنبي .. وبتبقى المسألة مجرد تحايل وبالاتفاق الصريح بين أفراد طاقم العمل ههههه عشان لو جات وزارة العمل تفتش يبقى الموظف السعودي الرسمي والشكلي هو اللي في الواجهة!

إحنا في شركتنا فيه مديرين في مناصب مهمة واحد مصري وواحد سوري .. ولما بتيجي وزارة العمل بيقدموا نفسهم على أساس إنهم موظفين .. وبيندهوا لأي موظف سعودي لابس شماغ يتعامل معاهم على أساس إنه هو المسؤول ويمشي عليهم الليلة Very Happy Very Happy

للأمانة في موظفين سعوديين كتييييييييير حتى لو مرفهين بس ع الأقل بيكونوا منطقيين ومتعاطفين في نفس الوقت فبتلاقيهم بيتعاونوا بشكل خفي للحفاظ على سلامة وجود الأجنبي في المؤسسة .. لأنهم مدركين جدا لأهميته .. أو لأهمية المصالح المتبادلة بشكل عام ....

وبنفس الوقت في موظفين سعوديين بيكونوا مؤذيين لصاحب العمل السعودي ذات نفسه .....
لأن لو صاحب العمل السعودي قصّر في حق واحد من حقوق الموظف السعودي .... ايه اللي بيحصل؟؟ الموظف السعودي دا بيروح يشتكيه في وزارة العمل .. ويبهدله في قضايا ويدفعه غرامات .. ويبقى صاحب العامل السعودي مش عارف حتى إنه يتخلص من الموظف السعودي دا لأن في قوانين وحقوق بتخلي الموظف السعودي دا يركب صاحب العمل السعودي ويدلدل رجليه ...........

تصور بقى صاحب العمل السعودي هيكون متأذي من القرارات دي قد ايه؟! السعودي أصلا في البزنس بيحب الأجنبي أكتر وبيثق فيه أكتر وبيكون عايزو جدااااااااااا

لسه من فترة قريبة عندنا في الشركة .. لقينا وزارة العمل طبت .. واللي بيجري .. واللي بيستخبى .. وحتى اللي وضعه مش مخالف جري بردو ماتفهمش ليه ههههههههههههههههههههههه وأنا جريت لما لقيت الكل بيجري هههههههههههههههههههههه واتوقعنا فعلا إنه هيحصل حالات قبض على البعض .. بس اتصدمنا لما عرفنا في الآخر هما كانوا جايين ليه؟؟

طلعوا جايين عشان في موظفة سعودية رفعت التليفون على وزارة العمل واشتكت إن رواتب الموظفين متأخرة وإن دا خامس يوم في الشهر ولسه ما قبضناش .. وصاحب العمل اخد انذار .. واستلمت راتبها فورا .. بس فكرك مثلا يقدر صاحب العمل يفصلها بعد حركة زي دي؟؟ لا طبعا .. بالعكس دا بقت هي أول واحدة بتستلم راتبها وقبل واحد الشهر ههههههههههههههه

دا غير موظفة سعودية تانية عملت نفس الفيلم وأكتر .. عشان اتخصم من راتبها بدون وجه حق حسب رأيها .. وعشان تم تغيير مكانها الوظيفي ........ وعشان ...............وعشان وعشان .................. واتمردت جدا وركبت صاحب العمل ودلدلت رجليها  لدرجة إنه حطها في راسه على حاجات تافهة .. وهي بتشتغل بنظام قاعدالك ووريني لو انت راجل هتعمل ايه؟؟ .. وهو مشغلها بنظام والله لأخليكي قاعدة كدا تهري في نفسك وعادي هدخل في حوارات وادفع غرامات على شكاويكي ولا أريحك!! وحاجة مهزلة والله هههههههههه

ودا مثال بسيط وتافه لا يذكر للدلالة على إنه السعودي هو أكتر واحد متأذي من السعودي اللي زيه ..

بس موضوعياً ومنطقياً وسياسياً ووطنياً .. هتلاقي الدولة أو الفكر الرئاسي قد يكون عنده حق

لأنه غالبا الدولة عايزة تربي مواطنيها على إنهم يكونوا أكثر صلابة وأكثر اعتمادا على أنفسهم .. وأكثر حباً وولاءاً لبعضهم البعض .. وكمان عايزة تعلمهم يحلوا بنفسهم بعض مشاكلهم الاقتصادية المتمثلة في البطالة وغيرو وغيرو

يمكن أنا مش بخوض في السياسة أوووي بس دي الصورة الطبيعية اللي واصلاني

وبردو المواطن السعودي مهما تأذى من قرارات حكومته .. غالباَ بيكون موقفه سلمي واستسلامي .. بل ومؤيد لها في الظاهر برغم التأذي في الواقع .. ودايما متسستمين على رد فعل "عاش الملك" .. لأنها مملكة مش جمهورية فلابد من الولاء التام .. ولابد من النظرة للملك نظرة الأب الأدرى بمصلحة أولاده .. وهو بالفعل بيكون عايز مصلحتهم إللي هم مش مدركينها أو مش قادرين يتطبعوا عليها .. ولكن قد يتطبعوا بالإجبار وفرض القوانين .. اممممممم بصراحة هي ميزة كبيرة جدا بتخلي السعودية في نعمة أمن وأمان .. الحمد لله

وغالبا المواطن السعودي .. بيكون نوع من الاتنين .. النوع الأول: السعودي المرفه لدرجة الحرمان .. تحس كدا إنه عنده كل حاجة وبنفس الوقت ماعندوش ولا حاجة فيصعب عليك .. وحتى وهو مبسوط تحس إنه صعبان عليك .................... والنوع دا ممكن فعلا غصب عنه ينظر للأجنبي إنه واخد منه خيرين "خير بلده ورزقها وفرص العمل فيها .. وخير الإنفتاح في ثقافة هذا الأجنبي وبالتالي عدم شعوره بالحرمان" .. وممكن بالعكس ينظر للأجنبي على إنه بمثابة نافذة له في عالمه المغلق .. فتلاقيه يسعد جدااااااااا بصحبة الأجنبي أكتر ..

النوع التاني: سعودي مرفه لدرجة النجاح .. يعني في منهم فعلا اللي بيشتري وقته بفلوسه .. فبتلاقيه عارف يركز في أهدافه الحقيقية وتفويض ما دونها لأي أجنبي يعملها حتى لو هيدفعله مش مشكلة .. المهم إنه يعرف يركز .. والنوع دا بيكون محظوظ جدا فعلاً .. أو بالأصح بيكون عرف يستثمر حظه صح .......... وغالبا النوع دا هو اللي بيتمسك بالأجنبي أكتر وبيبقى محتاجه جداااا

وتقريبا دي الصورة الأقرب للواقع .. سيبك بقى من اللي بيتكتب في المواقع او القنوات .. لأن أصلا أصلا الإعلام السعودي متكتم ومتحفظ جدا .. مش مفضوح زي اعلامنا المصري ههههههههه فصعب تسمع الحقائق دي إلا من حد عايش أصلا في السعودية بقاله كتيييييييير .......................... وبردو كاتب سعودي واحد او حتى عشرة .. مش شرط يكونوا مقياس للواقع اللي حاصل فعلا ....

وحتى الأجنبي إللي مقيم في السعودية من سنة أو 3 سنوات .. مش هيكون شايف الصورة صح زي اللي عاش واتربى فيها من طفولته .. فكرتني بواحد من معارفنا بعد ما عافر عشان يجي السعودية .. أول ما جه كان مش طايق العيشة واللي عايشينها وكان يتصل على أخويا يعيطله بالدموع ويقوله أنتوا عايشين ازاي؟؟ .. برغم إنه كانت أموره تمام في شغله بس اتخنق من البيئة نفسها هههه ..

لدرجة اتفقنا آخر كل اسبوع نخرجه معانا في أي خروجة من خروجاتنا الكئيبة هههههه المهم نتجمع وخلاص عشان يتأقلم .. بس ما استحملش وفي أقل من سنة رجع مصر نهائي ....... مع إنه كان جه من قبل القرارات الأخيرة أصلا ........ فاللي جايين السعودية جديد وعلى كبر مشكلتهم بتكون أكبر من مجرد قرارات سياسية ..

وأحيانا الواحد بيضطر يتعلم إنه يحاول يستمتع بأبسط الامكانيات المتوفرة له .. وفعلا أهم فرق بين الإنسان والحيوان .. وقبل كمان العقل أو القدرة على التكلم ..... هو (القدرة على التكيف)

أما بالنسبة لشرم الشيخ فيمكن مش هنكون بعدنا كتير لأن في رابط قوي بينها وبين السعودية .. كفاية البحر الأحمر وتيران وصنافير هههههههههههه
ههههههههههههههههههههههههههههه هو فعلا هجوم بربري

وحتى السعوديين ملوا شرم وهيبروها هههههههههه .. بس والله مهما عملوا بيصعبوا عليا وبعذرهم ههههههه الحرمان صعب أوووي وأنا عايشة معاهم وحاسة بيهم أوووي ..  وفعلا كل ممنوع مرغوب ......

والله بغض النظر عن أي قرارات سياسية .. بس فعلا المواطن السعودي بشكل عام غلبان أووووي ويصعب ع الكافر والله .. ومكبوووووت عاطفياً وبيحاول يعوض الكبت دا في المظاهر الصاخبة .. وحتى وصفي للمواطن السعودي بإنه (مرفّه) وصف ظالم جداً بحقه برغم إني استخدمته في وصفه .. بس مفهوم الرفاهية بيختلف بين السعودي والأجنبي .. لأن كل واحد بيلفته أكتر الجزء اللي ناقصه في مفهوم الرفاهية ..

الأجنبي بيشوف السعودي مرفه لمجرد وفرة المادة والمظاهر البراقة والراحة الشكلية .. لكن السعودي بيشوف الأجنبي مرفه لأنه يملك شيء أهم من المادة والمظاهر البراقة والراحة الشكلية .. وهو الانفتاح الثقافي إللي بيحلله حاجات قد تكون محرمة على السعودي في ثقافة شعبه ...... وحتى لو السعودي عملها دايما هيرافقه الشعور بالذنب وبإنه منبوذ ومغضوب عليه .............

الحمدلله إني عرفت أبقى "ميني دايفر" هههههه برغم كل هذا التصحر والتناقض اللي اتكتب عليا في حياتي هههههههههههه .. ومش عايزني ابقى متناقضة ههههههههههههه ما أنا بعيش في التناقض أصلا .. وممكن أضطر أتناقض عشان أتكيف

بتضحك على يسرا وهي بتتعلم ههههههههههههه .. لا انت لو شوفتني انا كنت ضحكت اكتر اكيد .. بس يمكن اللي ساعدني أكتر إني كنت واخدة الموضوع فور فن .. مش لهدف معين ولا عشان كنز مدفون .. فكان الشعور ايزي ولذيذ ..

وآي ثينك إن الكنز الحقيقي في الشعور نفسه وأنا بغطس ههههه كأني في الجنة .. ومش بكون خايفة من شعور المغامرة في حد ذاته لأن الرهبة تحت البحر بتتحول لشعور بالاستجمام والانسجام لدرجة التخدير فبتتقبل أي حاجة وبتحس إنك شجاع حتى لو مش عندك شجاعة هههههههههه .... شعور عجيييييب عجيييييييييييييييييييييب ههههههههههههههههههههههههههههههههههه

ياريت والله لو إمكانية الغطس متوفرالي كل يوووووووم .. يللا نصيب ههه .. الحمدلله على كل حال

آديني نقلتلك أخبار السعودية أحسن وأصدق من السي ان ان ههههههههههههههههههههههههههه
والله ولا هتلاقي أي قناة اخبارية تقولك الكلام دا ههههههههههههههههههههههههههههههههههه

وأنا يمكن أكون قفزت بيك لمود تاني ... بس كل شيء مرتبط ببعضه .. وفعلا إللي يعيش على أرض وطن ما لفترة طويلة بيحس بالحالة من كل زواياها أكتر ......... لأني حتى لو دفعت التمن وحسيت إني مظلومة ..... ممكن لو فكرت كويس بنظرة أكثر موضوعية أكتشف بردو إني اللي دفعتله التمن وقبض دا بردو مظلوم .. ومش بعيد يكون مظلوم أكتر مني ههههه

__________________________________________________
avatar
هديل روح
عضو مشارك
عضو مشارك


الجنس : انثى
تاريخ التسجيل : 14/07/2017
عدد المساهمات : 134
مكان الاقامة : وطني الجنة!

الرجوع الى أعلى الصفحة اذهب الى الأسفل

رد: هاي انتو جيتو هنا امتى وازاي؟؟!!

مُساهمة من طرف محمـــود في السبت 12 أغسطس 2017, 3:57 pm

في الرد السابق نوهت على هذا 

مكان اقامتك بالنسبة ليكم بقى وطن لان في ذكريات اكثر من ذكرياتك في اي مكان اخر 


وانا اعرف تماما مقصدي من الذكريات ... رحمة الله على من حملتنا بطونهن ورويننا
في عز ظمأهن ... رحم الله امي وامك ِ ... 


الاصل فيك ِ والانتماء وهو نادر اذن حققتِ رأي احمد في مسألة الندرة 
ومن الجميل ان يتزين المرء بالخصال الطيبه والمشهورة بندرتها ..... 




تستحقين الجنسية السعودية ههههههههههه 


فعلا شوفت الفيلم واحزنني جدا تسليم المواطنين السعوديين بأنهم لن يستطيعوا 
ان يستوعبوا احتياجات بلدهم ولو ان هذا ظالم لهم كالتلميذ المجبر على الامتحان
غدا وهو مازال لا يعرف المقررات ....



ربنا يحفظ كل الدول العربية ويهدي حكامها للصواب دوما 


مراسلة طيبة جدا انت ِ على فكره هههههههههه 




هنشوف اول رواية امتى على ورق حقيقي ؟! 
avatar
محمـــود
عضو مشارك
عضو مشارك


تاريخ التسجيل : 13/06/2016
عدد المساهمات : 38
مكان الاقامة : مصر

الرجوع الى أعلى الصفحة اذهب الى الأسفل

رد: هاي انتو جيتو هنا امتى وازاي؟؟!!

مُساهمة من طرف هديل روح في السبت 12 أغسطس 2017, 7:48 pm

الجنسية السعودية!! هههههههههه

بغض النظر عن (الانتماء) وجو (أنا مصري) .. ومش هتنازل عنك أبدا مهما يكون ههههههه (الانتماء في القلب) مش على ورق رسمي هههه والجنسية السعودية حاجة وااااااااو على الورق الرسمي

و فيها العديد من المزايا بالنسبالي ........ خصوصاً إني بحس إن المواطن السعودي برغم الإنغلاق الثقافي لكنه .. محظوظ بحكومته إللي بتفكر فعلا في مصلحته ....... بس أنا هرفض الجنسية لأنها هتحرّم عليا انفتاحي الثقافي .. وهكون في ثقافة المصريين المادية الحقيرة ههه المتنازلة ........ وهكون في ثقافة السعوديين زي الهجين غير المعترف بيه أصلا .. اللهم إلا ع الأوراق الرسمية .........
وكل اللي هحصل عليه مكاسب مادية واقتصادية .. امممممم وأمنية بصراحة
(وأكيد الأمن والأمان هو الأهم)

بس الأمان دا مالوش طعم لما يقيد حريتي!!
وعلى رأي اللي قال فيما معناه .. (مَن يتنازل عن حريته مقابل الأمان .. لا يستحق كلاهما) No 

دا غير إني هبقى زي القصة الأسطورية للملك اليوناني الثري إللي عايش في قصر ومع ذلك أراد المزيد من الثراء .. فدعا الآلهة إنه لما يلمس أى حاجة تتحول لدهب ............ وتاني يوم صحي الصبح واتفاجئ إنه كل ما يحط ايده على حاجة تتحول لدهب .. وكان مبسووووووط جدا لحد ما جه ياكل ومسك ورك الفرخة عشان ياكله اتحنط واتحول لدهب ومات جعان ههههههههههههه Shocked

وعلى ايه كل دا .. خليني على وضعي أحسن طالما كل الطرق تؤدي إلى الموت Rolling Eyes Very Happy هههههه

يمكن الفكرة المشابهة اللي اتعرضت عليا فعلا ورفضتها .. هي (الزواج بمواطن سعودي) .. وبرغم إن الفكرة بحد ذاتها تكاد تكون مناسبة جدا لوضعي لو فكرت من زاوية ضيقة .. بس من زاوية أوسع ............. الفكرة فاشلة ومقلقة جدااا لأن غالبا الاختلاف الثقافي هيسبب مشاكل كبيرة جدااااااااااااا وعلى أتفه الأشياء ..

وحتى لو تواجد الحب .... كل المشاعر بعد الزواج بتتحول مع الاعتياد إلى مودة ورحمة (دا في أحسن الحالات) .. بس في حال ماكناش نموذج لأحسن الحالات .. وفي حال حدث الانفصال .. وأنا في وطنه اللي بينصفه وبيضمنله كل حقوقه ...... وكمان لو ساعتها كان في أطفال ............. الأطفال هيروحوا لمين وفين؟ وهيكون وضعهم ازاي ونفسيتهم ازاي؟ هههههه .. أهم حاجة الأطفال هههههههه الوطن مش ناقص جيل مريض نفسيا No 

امممم يمكن أكون طيبة ومتهورة في تفكيري أو تصرفاتي العاطفية .. بس في القرارات المصيرية غالبا بكون عقلانية ومنطقية جدا الحمدلله

وأنا موافقة أكون مراسلة Very Happy هههههههههههههههه ما أنا كان حلمي أصلا إني أكون إعلامية Very Happy طيبة أو شريرة مش مشكلة هههههههه .. بس يللا نصيب!! والحمد لله بردو على نصيبي ......

ميرسي ليك .. بس والله ولا ندرة ولا حاجة لأن بردو الندرة أحيانا بيحددها المحيط اللي بتكون فيه

بعد كل الرغي دا بتقول رواية!! هههههههه .. ما أنا حولتلك الموضوع لرواية أصلا وطولت عليك الحديث هههههههههه بس بدون رتوش أدبية وشخصيات رمزية وصياغة بلاغية وتركيبات مجازية .. وآلاعيب فنية ..... مش عارفة والله كنت بجيب طووووووولة البال دي منين Shocked Very Happy ههههههههههههههههههه

__________________________________________________
avatar
هديل روح
عضو مشارك
عضو مشارك


الجنس : انثى
تاريخ التسجيل : 14/07/2017
عدد المساهمات : 134
مكان الاقامة : وطني الجنة!

الرجوع الى أعلى الصفحة اذهب الى الأسفل

رد: هاي انتو جيتو هنا امتى وازاي؟؟!!

مُساهمة من طرف محمـــود في الإثنين 21 أغسطس 2017, 9:11 am

فعلا بدون رتوش الوضع بيكون افضل ... ضحكتيني ال انا مش هبعد عنك ابدا مهما يكون 
الفكرة كلها بقت فكرة اقتصادية بحتة . الكل يبحث عن المستوى الاقتصادي لانه هو ال بيجيب الراحة
النفسية الى حدا ما .... ههههههههههههه 


المجتمع الدولى بقى مؤمن بفكرة خدمة قصادها مقابل ما ... ودا شيئ عادل وميزعلش حد 


حاولى تكتبي اي شيئ اكتبي قصة حياة فرانكشتين من وجهة نظرك  Cool
avatar
محمـــود
عضو مشارك
عضو مشارك


تاريخ التسجيل : 13/06/2016
عدد المساهمات : 38
مكان الاقامة : مصر

الرجوع الى أعلى الصفحة اذهب الى الأسفل

رد: هاي انتو جيتو هنا امتى وازاي؟؟!!

مُساهمة من طرف هديل روح في السبت 26 أغسطس 2017, 12:00 am

ههههههههههههههههههههههههههههههههههههههههههههه
قصة حاياة فرانكشتاين صانع المسخ المسكين ........ تصدق لايقة عليا Very Happy

طلعت لماح يا محمود ومش سهل .. بجد جبت من الآخر Shocked ههههههههههههه
امممممممم قصة حياة فرانكشتاين من وجهة نظري بتختصرها الصورة دي Arrow


طبعا الكلام دا لا ينطبق عليا إطلاقا ... نهائيا ... Very Happy Very Happy
أنا ولله الحمد أي حد بحبه بصنع منه نجم وبيتحول لـ أنتونيو بانديراس Cool 

فأنا قررت أهاجر أسبانيا وأحب أنتونيو بانديراس شخصيا أضمنلي ههههههههه

هو أصلا خلاص عجز وكحكح ونجوميته بدأت تختفي .................
وما هيصدق يلاقي واحدة مراهقة زيي لسه مجنونة بيه  I love you Embarassed
وأكيد لما أحكيله قصة حياتي الفرانكشتاينية هصعب عليه وهيعيط Sad 

ههههههههههههههههههههههههههههههههههههه طيب والله فكرة drunken

هو جنتل مان أصلا .. وشوفت برنامج قديم كانت ميلاني زوجته بتشكر فيه
وهو أصلا خلاص ......... طلق ميلاني جريفث بعد 20 سنة زواج!!!
وجايز كان في قبلهم 10 سنين حب .. يعني كدا يبقوا 30 سنة كفاح  Laughing 

والطلاق تم بمنتهى الود والتراضي والاحترام المتبادل وبدون فضايح هههههه
20 سنة عند الأجانب في حد ذاتها صموووووووووووووووود

يعني الراجل مخلص اهو ومش مسخ ولا وحش ولا جحش !!! Very Happy
عسل أنتونيو دا والله ربنا يكتر من أمثاله I love you Embarassed هههههههههههههههه

__________________________________________________
avatar
هديل روح
عضو مشارك
عضو مشارك


الجنس : انثى
تاريخ التسجيل : 14/07/2017
عدد المساهمات : 134
مكان الاقامة : وطني الجنة!

الرجوع الى أعلى الصفحة اذهب الى الأسفل

صفحة 8 من اصل 9 الصفحة السابقة  1, 2, 3, 4, 5, 6, 7, 8, 9  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى
Google